Samtryggingardeild Gildis var með eignir upp á 1.116,6 milljarða króna í lok árs 2024. Eignir deildarinnar þróuðust með eftirfarandi hætti á árinu 2024 (ath. að allar tölur eru í milljörðum króna):
*Þar með talið 2,7 milljarða kr. örorkuframlag úr ríkissjóði
Hér fyrir neðan má finna helstu upplýsingar um ávöxtun, eignasamsetningu og fjárfestingastefnu Samtryggingardeildar Gildis. Ítarlegar upplýsingar má finna í ársreikningum og ársskýrslum sjóðsins sem hægt er að nálgast hér.
Hrein nafnávöxtun samtryggingardeildar Gildis á árinu 2024 nam 11,8% en var 6,7% árið 2023. Hrein raunávöxtun var 6,7% samanborið við -1,2% árið áður.
Hreinar fjárfestingartekjur sjóðsins á árinu 2024 voru 119.873 m.kr. samanborið við 63.090 m.kr. árið áður. Árið 2024 var almennt gott á eignamörkuðum þar sem allir eignaflokkar sjóðsins skiluðu jákvæðri raunávöxtun, að undanskildum erlendum skuldabréfum. Í eignasafni sjóðsins skiluðu skráð innlend hlutabréf bestri ávöxtun, en skráð erlend hlutabréf fylgdu þar fast á eftir.
Verðbólga, vaxtakjör og gengisþróun höfðu eins og alltaf mikil áhrif á afkomu sjóðsins. Verðbólga hjaðnaði verulega á árinu og Seðlabanki Íslands hóf vaxtalækkunarferli í árslok eftir fjögurra ára tímabil verðbólgu og hárra vaxta. Í lok árs stóð verðbólga í 4,8% og meginvextir í 8,5%.
Meðal nafnávöxtun samtryggingardeildar síðustu fimm árin nemur 10,0% og alls 8,5% síðustu tíu árin.
Meðal raunávöxtun samtryggingardeildar síðustu fimm árin nemur 3,0% og alls 4,3% síðustu tíu árin.
Í fjárfestingarstefnu samtryggingardeildar Gildis fyrir árið 2025 er samanlagt vægi hlutabréfa og samanlagt vægi skuldabréfa lítillega breytt frá fyrri stefnu, en vægi skuldabréfa er aukið um 1,5% á kostnað hlutabréfa. Samanlagt vægi skuldabréfa í nýrri stefnu er 46,5%. Hlutfall erlendra skuldabréfa er hækkað um 2,5% frá fyrri stefnu, úr 0,5% í 3% en á móti lækkar hlutfall veðskuldabréfa úr 11% í 10%. Hlutfall innlendra hlutabréfa er lækkað um 2%, úr 22% í 20%. Hlutfall annarra fjárfestinga er hækkað um 0,5% frá fyrri stefnu en undir þann flokk falla erlendir fasteigna- og innviðasjóðir.
Vikmörk í fjárfestingarstefnu eru sett með það að markmiði að auka getu sjóðsins til markvissra viðbragða ef á þarf að halda. Vikmörk eru áfram höfð nokkuð rúm, sem og viðbótartakmarkanir á samanlögðu hlutfalli hlutabréfa og samanlögðu hlutfalli skuldabréfa. Í því endurspeglast meðal annars óvissa um það hvaða fjárfestingarkostir muni standa sjóðnum til boða og í hvaða eignaflokkum þeir kostir verða, bæði innanlands og utan.
| Frávik (hámark) | |||
|---|---|---|---|
| 10,0% | |||
| 65,0% | |||
| 23,0% | |||
| 12,0% | |||
| 16,0% | |||
| 5,0% | |||
| 15,0% | |||
| 12,0% | |||
| 60,0% | |||
| 29,0% | |||
| 39,0% | |||
| 5,0% | |||
| 100% |
Verðbréfasafn Gildis samanstendur af fjölda eigna sem skiptast í mismunandi flokka eftir eðli þeirra. Hér að neðan er veitt innsýn í eignasafn sjóðsins frá nokkrum ólíkum sjónarhornum eins og það stóð í árslok 2024.
Hægt er að kynna sér nánari upplýsingar og sundurliðun safnsins í ársreikningi sjóðsins: