Eign – Erlend
Í Eign – Erlend er allt eignasafnið ávaxtað í erlendri mynt.
Um 60% eignanna er ávaxtaður í erlendum hlutabréfum og 40% í erlendum skuldabréfum.
Eign - Erlend er ný fjárfestingarleið hjá Gildi þannig að upplýsingar um ávöxtun liggja ekki fyrir.
Fjárfestingastefna
Á hveru ári er unnin ítarleg fjárfestingarstefna fyrir Eign – Erlend. Í þeirri vinnu er meðal annars lagt mat á í hvaða eignaflokkum eru tækifæri til góðrar ávöxtunar og hvar eru hættumerki.
Sérfræðingar Gildis í eignastýringu eru stöðugt að kaupa og selja hluta- og skuldabréf til að tryggja sjóðfélögum sem besta ávöxtun. Ramminn utan um þá vinnu er settur í fjárfestingarstefnu sem finna má í töflunni hér fyrir neðan.
| Verðbréfaflokkur | Stefna | Heimilað frávik - lágmark | Heimilað frávik - hámark |
|---|---|---|---|
| Skuldabréf | 40,0% | 20,0% | 50,0% |
| - Innlán og laust fé | 1,0% | 0,0% | 15,0% |
| - Erlend skuldabréf | 39,0% | 20,0% | 50,0% |
| Hlutabréf | 60,0% | 50,0% | 70,0% |
| - Erlend hlutabréf | 60,0% | 50,0% | 70,0% |
Lykilupplýsingar:
Eftirfarandi skjal veitir þér lykilupplýsingar um fjárfestingarleiðina Eign – Erlend hjá Gildi-lífeyrissjóði. Upplýsingarnar eru lögboðnar og markmið þeirra er að auðvelda þér að skilja eðli, áhættu, kostnað og mögulegan hagnað og tap af fjárfestingarleiðunum og bera þær saman við aðrar sambærilegar afurðir.