Fjárfestingarstefna.

Fjárfestingarstefna sjóðsins fyrir árið 2012 var sett af stjórn Gildis þann 29. nóvember 2011. Í stefnunni er lögð áhersla á aukið vægi innlendra hlutabréfa og skuldabréfa fyrirtækja og sveitafélaga. Á sama tíma er dregið úr vægi ríkisskuldabréfa, innlána og vogunarsjóða. Vikmörk fjárfestingarstefnunnar eru áfram höfð nokkuð rúm þar sem lítill sýnileiki á framboði fjárfestingarkosta á árinu kallar á aukinn sveigjanleika sjóðsins til fjárfestinga.

Fjárfestingarstefna Gildis er gerð með það að markmiði að ávaxta fé sjóðsins með hliðsjón af þeim kjörum sem best bjóðast á hverjum tíma að teknu tilliti til áhættu. Undanfarin ár hafa fjárfestingarkostir verið mjög takmarkaðir fyrir íslenska lífeyrissjóði og hefur fjárfestingarstefna Gildis borið þess skýr merki. Áframhald á hægfara endurreisn innlends verðbréfamarkaðar hefur haft þar mikið að segja sem og hömlur á nýjar fjárfestingar erlendis sökum gjaldeyrishafta. Hefur það meðal annars komið fram í mun rýmri vikmörkum fjárfestingarstefnunnar en áður var þegar markaðir og eignasafn sjóðsins voru í meira jafnvægi. Árið 2011 bar þess þó einhver merki að innlendur verðbréfamarkaður sé tekinn að byggjast upp á nýjan leik. Til marks um það námu hrein kaup sjóðsins í innlendum hlutabréfum um 40% af hreinni fjárfestingu sjóðsins á árinu. Er það verulegur viðsnúningur frá fyrra ári þegar fjárfestingar sjóðsins voru nánast eingöngu í ríkisskuldabréfum.

Fjárfestingarstefna samtryggingadeildar fyrir árið 2012 er eftirfarandi:
 

Heimiluð frávik skv. fjárfestingarstefnu eru 25%.