Gildi - fyrir þig
Gildi - lífeyrissjóður var stofnaður 1. júní 2005 við sameiningu Lífeyrissjóðsins Framsýnar og Lífeyrissjóðs sjómanna. Markmið sameiningarinnar var að tryggja sjóðfélögum þau bestu lífeyrisréttindi sem kostur er á með betri áhættudreifingu sjóðfélaga á atvinnugreinar, öflugri áhættustýringu og ávöxtun iðgjalda svo og hagkvæmari rekstri. Við sameininguna runnu saman tveir öflugir lífeyrissjóðir af svipaðri stærð.
Gildi - lífeyrissjóður er þriðji stærsti lífeyrissjóður landsins með um 40.000 greiðandi sjóðfélaga og 180.000 einstaklingar eiga réttindi hjá sjóðnum. Hrein eign til greiðslu lífeyris 31. desember 2010 var 241 milljarður. Hjá sjóðnum starfa 23 starfsmenn með langa starfsreynslu og mikla þekkingu.
Sjóðurinn rekur eina aldurstengda samtryggingardeild og þrjár séreignardeildir. Samtryggingardeildin er lögbundin og aðildarfélög hennar eru:
- Efling - stéttarfélag
- Sjómannasamband Íslands
- Sjómannafélag Íslands
- Farmanna- og fiskimannasamband Íslands
- Félag vélstjóra og málmtæknimanna
- Verkalýðsfélagið Hlíf
- Félag hársnyrtisveina
- Bifreiðastjórafélagið Sleipnir
- Landssamband smábátaeigenda
- Samtök atvinnulífsins.
Fjármálaeftirlitið er eftirlitsaðili með starfsemi sjóðsins, auk innri og ytri endurskoðunar frá þriðja aðila.
