Grundvöllur lífeyrisréttinda

Aldurstengd réttindi

Réttindi sjóðfélaga til lífeyris eru reiknuð í krónum og ráðast réttindi af því iðgjaldi sem greitt er í lífeyrissjóðinn hverju sinni.

Þannig fá yngri sjóðfélagar meiri réttindi en eldri sjóðfélagar fyrir sama iðgjald, því iðgjaldið er verðmætara eftir því sem það ávaxtast lengur í sjóðnum.  Aldurstenging réttindanna tryggir jafnræði sjóðfélaga í réttindaávinnslu yfir starfsævina.

Árleg lífeyrisréttindi fyrir hvert 10 þúsunda króna iðgjald
	Lífeyris		Lífeyris-		Lífeyris-
Aldur	réttindi	Aldur	réttindi	Aldur	réttindi
16	3.108	34	1.421	52	961
17	3.004	35	1.375	53	948
18	2.882	36	1.332	54	937
19	2.739	37	1.293	55	925
20	2.602	38	1.257	56	913
21	2.474	39	1.223	57	901
22	2.354	40	1.193	58	889
23	2.243	41	1.164	59	877
24	2.138	42	1.138	60	866
25	2.041	43	1.115	61	853
26	1.950	44	1.093	62	839
27	1.865	45	1.072	63	825
28	1.787	46	1.053	64	810
29	1.714	47	1.035	65	795
30	1.646	48	1.018	66	774
31	1.582	49	1.002	67
32	1.525	50	987	68
33	1.471	51	973	69

(Miðast við vísitölu neysluverðs 230,0 stig)

Jöfn réttindi

Réttur til að greiða iðgjald í jafna réttindaávinnslu miðast við 10% af launum ársins 2003 fært til verðlags í dag.

Sjóðfélagar sem voru 25 ára og eldri þann 1. júní 2005 þegar Gildi - lífeyrissjóður hóf starfsemi sína og áttu réttindi í sjóðnum í árslok 2004, er heimilt að greiða iðgjald í jafna réttindaávinnslu, allt að tilteknu hámarki (viðmiðunariðgjaldi), í jafn marga mánuðiog viðkomandi hafði greitt iðgjöld til sjóðsins fyrir 42 ára aldur í árslok 2004.  Hafi sjóðfélagi hins vegar greitt iðgjöld lengur en 5 ár á umræddu tímabili á hann rétt á að greiða allt að viðmiðunariðgjaldi í jafna réttindaávinnslu til 70 ára aldurs.

Iðgjald sjóðfélaga frá og með 1. júní 2005 sem færist í jafna réttindaávinnslu, sovkallað viðmiðunariðgjald, getur hæst orðið jafnhátt 10% iðgjaldi sjóðfélagans vegna ársins 2003 fært til verðlags í dag eða síðasta almanaksárið þar á undan sem iðgjald barst sjóðnum hans vegna.  Iðgjald umfram verðbætt viðmiðunariðgjald færist í aldurstengda ávinnslu.

Lífeyrir almannatrygginga

Almannatryggingar greiða elli-, örorku-, maka- og barnalífeyri eins og lífeyrissjóðirnir.  Þó er sá munur á að lífeyrir almannatrygginga er ekki háður tekjum á starfsævinni heldur eingöngu búsetu í landinu og ekki eru greidd iðgjöld beint til almannatrygginga heldur eru lífeyrisgreiðslur þeirra fjármagnaðar úr ríkissjóði. 

Heimasíða Tryggingastofnunarinnar

Handbók Tryggingastofnunar - 1. kafli Lífeyristryggingar
Almennar upplýsingar um vinnureglur Tryggingastofnunar og lögin sem hún starfar eftir.